DICA၏ ဗီဇာ မူဝါဒ တင်းကျပ်လာခြင်း

ကျွန်ုပ်တို့၏ဖောက်သည်များနှင့် စာဖတ်သူများအချို့ သိရှိထားပြီးဖြစ်သည့်အတိုင်း DICA သည် မကြာသေးမီက DICA-တရားဝင်ဖွဲ့စည်းထားသောကုမ္မဏီများမှ ပြည်တွင်းနေ  နိုင်ငံခြားသား ဝန်ထမ်းများအတွက် ဗီဇာသက်တမ်းတိုးခြင်းဆိုင်ရာ ထောက်ခံစာများပေးဆောင်ရန် လိုအပ်ချက်များကို တင်းကျပ်ခဲ့သည်။ ပြန်လည်ပြင်ဆင်ထားသော လိုအပ်ချက်များစာရင်းသည် ဆိုရှယ်မီဒီယာပေါ်တွင် လတ်တလော ပျံ့နှံ့နေလျက်ရှိပါသည်။ အပြောင်းအလဲများနှင့်ပတ်သက်ပြီး ၎င်းတို့ဝဘ်ဆိုဒ်တွင် မကြာမီ ကြေငြာချက်တစ်ခု ပြုလုပ်မည်ဖြစ်ကြောင်း DICA၏ ပြောဆိုမှုများအရ ကျွန်ုပ်တို့ သိရှိရသည် (ဤစာကို ရေးသားသည့်အချိန်တွင် မလုပ်ဆောင်ရသေးပါ)။

ပြင်ဆင်ထားသော လိုအပ်ချက်အများစုသည် နိုင်ငံခြားသားဝန်ထမ်းများအတွက် အလုပ်လုပ်ကိုင်ခွင့်ပြုခြင်းနှင့်စပ်လျဉ်း၍ ယေဘုယျအားဖြင့် စောဒကတက်စရာများရှိသည်ဟု ဆိုနိုင်သည်။ ကျွန်ုပ်တို့၏အမြင်အရ မြန်မာနိုင်ငံတွင် အဆိုပါအခြေအနေများနှင့် ပတ်သက်၍ တင်းမာမှုအချို့သည် သင့်လျော်သောနိုင်ငံခြားသား အလုပ်လုပ်ကိုင်ခွင့်စနစ် မရှိနေခြင်းကြောင့် ဖြစ်ပေါ်လာခြင်းဖြစ်သည်။ ဆိုလိုသည်မှာ၊ လိုအပ်ချက်အသစ်များသည် လက်ရှိ သို့မဟုတ် နှစ်အနည်းငယ်ကြာမှသာ အလုပ်ပါမစ်ရရှိရန်အတွက် သက်တမ်းတိုးရမည်ဆိုလျှင်  အလွန် သင့်လျော်မည်ဖြစ်သည်၊ သို့သော် ဗီဇာသက်တမ်းတိုးခြင်းနှင့်စပ်လျဉ်း၍ နှစ်စဉ် (သို့မဟုတ် ဖြစ်နိုင်ချေ ခြောက်လလျှင်) ပြုလုပ်ရန် ချမှတ်သည့်အခါ လိုအပ်ချက်များသည် အတော်လေးခတ်ခဲသည်။

စာရင်းအသစ်မှ အဓိကအချက်များ

လိုအပ်ချက်အသစ်များမှ သတိပြုရမည့်အချက်များမှာ-

• ဖွဲ့စည်းတည်ထောင်ထားသည့်ကာလအနည်းဆုံးတစ်နှစ်ရှိသည့် ကုမ္ပဏီများသည်သာ နိုင်ငံခြားသား ဝန်ထမ်းဗီဇာအတွက် DICA၏ ထောက်ခံစာများကို လျှောက်ထားနိုင်သည်။

• နှစ်စဉ်အစီရင်ခံစာကို အချိန်မီတင်ပြရန် ပျက်ကွက်သည့်ကုမ္ပဏီများသည် DICA/MyCOတွင် ကုမ္ပဏီမှတ်ပုံတင်ခြင်း ဆိုင်းငံ့ခံထားရပါက နောက်တစ်နှစ်အတွက် နှစ်စဉ်အစီရင်ခံစာ တင်ပြရန်လိုအပ်ချက်များကို လိုက်လျောပြီး သူတို့၏ဆိုင်းငံ့ခံရမှုမပယ်ဖျက်သေးသ၍ DICA တွင်ထောက်ခံစာများ မ လျှောက်ထားနိုင်ပါ။

• ကုမ္ပဏီများသည် သက်ဆိုင်ရာနိုင်ငံခြားသားဝန်ထမ်း၏ လက်ရှိဗီဇာသက်တမ်းမကုန်ဆုံးမီ ရက်ပေါင်း 90 မှ 120 အတွင်း DICA ၏ထောက်ခံစာများ လျှောက်ထားရမည်ဖြစ်သည်။

• နိုင်ငံခြားသားဝန်ထမ်းနှင့်ပတ်သက်၍ ကုမ္ပဏီဒါရိုက်တာဘုတ်အဖွဲ့၏ “ကြေငြာချက်” လိုအပ်ပါသည်။ ၎င်းသည် ဘာကိုဆိုလိုသည်ကို ရှင်းရှင်းလင်းလင်းမသိရပါ – အလုပ်အကိုင်ကို အတည်ပြုသည့် ဘုတ်အဖွဲ့ဆုံးဖြတ်ချက်တစ်ခုဟု ယူဆရသည်။

• နှစ်အတော်ကြာ လည်ပတ်နေသော ကုမ္ပဏီများသည် ထောက်ခံစာကို လျှောက်ထားနိုင်ရန်အတွက် နှစ်ပေါင်းများစွာ ထမ်းဆောင်ထားသော အခွန်အတုတ်/ငွေပေးချေမှု အထောက်အထားမိတ္တူများ ပြသရန် လိုအပ်ကြောင်း တွေ့ရှိရပါသည်။

• ဝန်ထမ်း၏ CV ကို DICA မှ သတ်မှတ်ထားသည့်ပုံစံနှင့်တကွ ဝန်ထမ်း၏ အခန်းကဏ္ဍအတွက် အလုပ်ဖော်ပြချက် နှင့် ရည်ညွှန်းစည်းကမ်းချက်များနှင့်အတူ လျှောက်ထားမှုကိုလုပ်ဆောင်ရမည်ဖြစ်သည်။

စာရေးချိန်တွင် ကျွန်ုပ်တို့ နားလည်သလောက်၊ ကုမ္ပဏီတစ်ခု၏ ဝန်ထမ်းမဟုတ်သော ဒါရိုက်တာများ သို့မဟုတ် အစုရှယ်ယာရှင်များအဖြစ် လျှောက်ထားသည့် နိုင်ငံခြားသားများအတွက် DICA ၏ထောက်ခံစာ လိုအပ်ချက်များသည် ပြောင်းလဲခြင်းမရှိပါ။ (သို့သော်၊ ကုမ္ပဏီသည် အနည်းဆုံး ၁၂ လသက်တမ်းရှိရမည်၊ နှင့် အနည်းဆုံး ၁၂ လအတွက် နှစ်စဉ်အစီရင်ခံစာ စာရွက်စာတမ်းတင်ပြခြင်းများနှင့် ကိုက်ညီပါက ဒါရိုက်တာ/ရှယ်ယာရှင်ဗီဇာများ လျှောက်ထားနိုင်ပါသေးသည် ဆိုသော အထက်ဖော်ပြပါ အချက်နှစ်ချက် နှင့် ပတ်သက်၍ ရှင်းရှင်းလင်းလင်း မသိရသေးပါ။)

လုပ်ငန်းစတင်မှုများတွင်အကျိုးသက်ရောက်မှု

ကုမ္မဏီဖွဲ့စည်းတည်ထောင်ထားခြင်း အနည်းဆုံး တစ်နှစ်မရှိသေးသ၍ ကုမ္ပဏီများသည် DICA ဗီဇာ‌ထောက်ခံစာများကို စတင်လျှောက်ထားနိုင်မည်မဟုတ်သောကြောင့် ပြန်လည်ပြင်ဆင်ထားသော လိုအပ်ချက်များသည် အထူးသဖြင့် လုပ်ငန်းစတင်ခြင်းများအပေါ် အကျိုးသက်ရောက်မှုရှိနိုင်ပေသည်။ ဤသည်မှာ ကုမ္ပဏီအသစ်များမှ နိုင်ငံခြားသားဝန်ထမ်းများဝင်ရောက်ခွင့်ကို ငြင်းပယ်ပုံပေါ်ပြီး အချို့သော လုပ်ငန်းစတင်မှုများအပေါ် သိသာထင်ရှားသော သက်ရောက်မှုရှိနိုင်ပါသည်။ သို့ဆိုလျှင်၊ အထူးသဖြင့် လုပ်ငန်းသစ်များနှင့် ရင်းနှီးမြုပ်နှံမှု နည်းပါးသော စီးပွားရေးရပ်ဝန်းတွင် လုပ်ငန်းသစ်များကို တားဆီးနိုင်သည့် မူဝါဒများကို DICA က မိတ်ဆက်နေသည်ကို မြင်တွေ့ရခြင်းမှာ အနည်းငယ် စိတ်ပျက်စရာကောင်းပါသည်။

နိဂုံး

နိုင်ငံခြားသားဝန်ထမ်းများအတွက် ဗီဇာသက်တမ်းတိုးခြင်း သို့မဟုတ် နှစ်စဉ်အစီရင်ခံစာတင်ခြင်းနှင့် လိုက်နာမှုဆိုင်ရာကိစ္စရပ်များနှင့်ပတ်သက်သော အချက်အလက်များ ပိုမိုသိရှိလိုပါက သို့မဟုတ် အကူအညီရယူလိုပါက ကျွန်ုပ်တို့ထံ ဆက်သွယ်နိုင်ပါသည်။